Njihuni me 7 prezantimet kryesore gjatë eventit Surface 2021 të Microsoft

Eventi Surface 2021 i organizuar nga Microsoft ishte i tejmbushur me produkte të reja si Surface Pro 8 i ridizenjuar, Surface Duo 2 dhe laptopi flagship me një hinge në pjesën e pasme të ekranit.

Nëse jeni të interesuar për të blerë një nga pajisjet e prezantuara, porositë fillojnë ditën e mërkurë dhe dërgesat fillojnë në datën 5 tetor. Më poshtë do të gjeni një prezantim të shkurtër të 7 prezantimeve kryesore gjatë këtij eventi.

Surface Pro 8

Surface Pro 8 vjen me një dizajn të rifreskuar të linjës mjaft të njohur Surface Pro me bezels shumë të ngushta, ekran 13 inç touchscreen, 2 porta Thunderbolt 4 (pra nuk ka më USB-A) dhe ofron suport për Surface Slim Pen 2.

Surface Laptop Studio

Ky është laptopi më i ri flagship nga Microsoft. E veçanta e këtij produkti qëndron në mekanizmin me mentesha që lejon ekranin të dalë mbi tastierë në mënyrë që ju të navigoni përmes ekranit me prekje ose të vizatoni.

Surface Duo 2

Surface Duo 2 shton shumë nga ndryshimet e kërkuara në versionin origjinal, duke përfshirë këtu suportin për rrjetin 5G dhe një sistem me 3 kamera. Gjithashtu në të gjendet dhe një Glance Bar i ri ku ju mund të shikoni orën dhe baterinë e pajisjes ndërkohë që ajo është e mbyllur.

Microsoft Surface Slim Pen 2

Microsoft gjatë këtij eventi prezantoi një laps të ri, të quajtur Surface Slim Pen 2, i cili është i pajisur me një sistem vibrues për t’ju dhënë një feedback të përmirësuar kur ju e përdorni atë.

Surface Go 3

Surface Go 3, pajisja low-end e Microsoft, do të pajiset tashmë me proçesorët e rinj nga Intel.

Microsoft Surface Adaptive Kit

Surface Adaptive Kit përfshin disa indikatorë të portave që ju mund të aplikoni në laptopin tuaj për ta bërë atë më të thjeshtë për t’u përdorur, bashkë me mjetet e duhura për të aksesuar pjesën e brendshme të pajisjeve.

Microsoft Ocean Plastic mouse

Mouse i ri nga Microsoft është krijuar nga 20% materiale të ricikluara plastike që gjendeshin në oqeane, ndërkohë që paketimi është 100% i riciklueshëm.