Asus ka konfirmuar datën e lançimit të laptopit unik të palosshëm, Zenbook 17 Fold OLED, në 31 gusht.
Fillimisht Asus tregoi disa pamje të laptopit në CES 2022 në janar dhe kishte në plan të prezantonte laptopin gjatë gjysmës së vitit. Megjithatë këto plane u shtynë për në konferencën IFA 2022, e cila do të zhvillohet gjatë datave 2-6 shtator.
Zenbook 17 Fold vjen me një monitor 17” kur është i hapur dhe 12.5″ kur është i palosur në formën e një laptopi të vogël. Ky është laptopi i dytë i palosshëm i prezantuar në treg pasi më parë u prezantua ThinkPad X1 Fold, i cili u lança në shtator të 2020. Duket se OLED do të jetë teknologjia standard për këtë kategori laptopësh, falë cilësisë dhe fortësisë që kanë.
Zenbook 17 Fold OLED vjen me një proçesor Intel Core i7-2150U, 16 GB RAM, bateri 75Wh, porta Thundebolt 4 dhe lidhe WiFi 6E.
Aktualisht informacionet mbi çmimin e kësaj pajisje nuk janë bërë ende të ditura, mirëpo mos prisni që ajo të kushtojë pak. Për krahasim, laptopi shumë më i vogël 13.3” i Lenovo kushtonte $2,500 në momentin e prezantimit.
Së shpejti pritet që kategoria e laptopëve të palosshëm të mbipopullohet me versione të reja nga Samsung (Flex Note) apo dhe Apple.
Geek Room dhe Neptun do të jenë të pranishëm këtë vit në eventin më të madh të teknologjisë në Evropë. Mos humbisni asnjë produkt të ri, mjafton të na ndiqni në Instagram në datat 2-4 shtator.
