Një model i ri AI nga Google premton të përmirësojë parashikimin e motit. NeuralGCM, i zhvilluar nga Google Research, përdor modelimin e bazuar në rregullat e fizikës dhe inteligjencën artificiale për të krijuar simulime të shpejta dhe të sakta të atmosferës së Tokës.
Modelet tradicionale të parashimit të motit funksionojnë duke e ndarë planetin në copa të mëdha me piksel, gjë që e bën të vështirë parashikimin e saktë të kushteve atmosferike në shkallë të vogël si prania e reve apo të turbulencve. Kombinimi i simulimeve të bazuara në ligjet e fizikës dhe AI duket se e zgjidh këtë problem, dhe në vitin 2020, NeuralGCM parashikoi nivelet vjetore të temperaturës dhe lagështisë 15-50% më saktë se homologu i tij jo-AI X-SHiELD, dhe shumë më shpejt – NeuralGCM i gjeneroi ato parashikime në 8 minuta krahasuar me 20 ditë për X-SHiELD.
Google pretendon se NeuralGCM mund të funksionojë në një çip të vetëm AI, ose TPU (Tensor Processing Unit), ndërsa disa modele atmosferike me rezolucion të lartë kërkojnë akses në superkompjuter të shtrenjtë dhe mijëra çipa CPU.
Kjo do të thotë se modeli do të jetë i aksesueshëm në laptopë dhe për studiuesit në mbarë botën. Efikasiteti më i mirë mund të zvogëlojë gjithashtu konsumin e energjisë së modelit. Lajmi vjen disa javë pasi vetë raporti mjedisor i Google arriti në përfundimin se përdorimi i AI që gllabëron energjinë gjatë pesë viteve të fundit ka rritur emetimet e saj me gati 50%.
Gjithashtu një tjetër raport tregoi se Google dhe Microsoft shpenzojnë më tepër energji elektrike se shumë shtete të tjera të rëndësishme.
