Në fillim butonat, pastaj touchscreen, më vonë do të ndërveprojmë me valët e trurit.
Një Francez i cili pas një aksidenti tragjik humbi totalisht kontrollin e gjymtyrëve, më në fund mund të ecë përsëri me ndihmën e një ekzoskeletoni duke e kontrolluar me mendje.
Universiteti i Grenoble në Francë ka zhvilluar teknologji të cilat mund të përkthejnë valët e trurit në lëvizje mekanike.
28 vjeçari, Thibault, mbeti i paralizuar në 2015 dhe që atëherë shpina e tij nuk mund të transmetojë sinjale.
Në 2017, atij iu implantuan dy sensorë në korteksin sensimotor, pjesa e trurit e cila kontrollon lëvizjet.
Elektrodat janë të afta të njohin sinjalet e Thibaultit dhe një algoritëm i përkthen ato brenda 350 milisekondave si impulse mekanike duke urdhëruar kështu ekzoskeletonin të lëvizë.
Thibaultit iu desh të praktikonte në fillim me një avatar në kompiuter dhe gjithsej 2 vjet trajnim derisa të bënte disa hapa dhe lëvizje bazike. Por sidoqoftë e gjithë kjo është një arritje kolosale për gjithë njerëzimin.
Një teknologji e ngathët për momentin sigurisht, por sapo ti jepet vemendja dhe koha e duhur me shumë mundësi do të kemi përpara vetes zgjidhjen e problemit të të paralizuarëve por jo vetëm.
Ekzoskeletonet kanë vite që perfeksionohen, ushtria madje ka bërë përparime të mëdha, ama teknologjia e leximit të valëve të trurit është në hapat e saj të para, krejt fëminore.
Por ëe ti japim vetëm disa vjet kohë, pasi nuk do të ketë fushë të jetës ku nuk mund të integrohet
