Router-i wireless nga TP–Link, Archer AX72, ofron një performancë mjaft të qëndrueshme WiFi 6 ndërkohë që premton dhe mbulim të gjerë WiFi së bashku me shpejtësinë e pakrahasueshme.
Archer AX72 është tepër e ngjashme me modelin Archer AX73, dhe vjen me një çmim më të përballueshëm. Në fakt, dhe vetë performanca është shumë e ngjashme me këtë produkt më premium. Për fat të mirë AX72 ka marrë gjithashtu dhe dizajnin e AX73, i cili është mjaft i mirë dhe me plot vrima për ventilimin e router-it.
Hardware-i dhe specifikat
Archer AX72 fuqizohet nga Qualcomm IPQ-518 SoC i cili përmban një CPU 1Ghz 64-bit ARM A53 dual-core, si dhe një NPU me 1 core për të përshpejtuar kërkesat e rrjetit. Sistemi mbështetet gjithashtu dhe nga 512MB RAM.
Përveç portave të zakonshme LAN, Archer AX72 vjen dhe me një portë USB që mund të përdoret si një server për shpërndarjen e të dhënave përmes Samba, DLNA, FTP apo TimeMachine. Ekziston mundësia që ju ta montoni këtë router në mur ose në tavan falë vrimave ekzistuese në pjesën e poshtme të router-it.
Kur shikojmë brenda Archer AX72, do të vëmë re që TP–Link nuk është kursyer aspak në krijimin e një hapësire të nevojshme për ftohjen e tij.
Performanca WiFi e Archer AX72
Shërbimi kryesor që kërkojmë nga një router është shpejtësia e internetit, dhe ky produkt e ka këtë shërbim armën më të fortë. Ju mund të provoni me lehtësi dhe të shikoni një shpejtësi shkarkimi në smartphone-in tuaj prej 800Mbps në një abonim 1Gbps. Edhe në testin e shpejtësisë së internetit në distancë më të largët performanca e router-it është mjaft e mirë. Sigurisht që rezultatet më të mira do të përfitohen kur përdoret një pajisje që suporton teknologjinë WiFi 6.
Nëse banesa juaj është shumë e madhe, ju mund të shtoni mbulimin duke përdorur një TP-Link Extender.
Firmware i TP–Link është mjaft i qëndrueshëm dhe jo shumë i ngarkuar. Ju mund të kontrolloni lehtësisht dhe konfigurimin e këtij router-i përmes aplikacionit.
HomeShield Pro Parental Control
TP–Link ka përmirësuar shërbimin HomeShield Pro Parental Control, i cili është në gjendje të bllokojë website të ndryshme të bazuar në kategori të caktuara. Ju do të jeni gjithashtu në gjendje të vendosni dhe një limit kohor të përdorimit gjatë natës.
Pjesa më e mirë e këtij sistemi është aftësia raportuese. HomeShield Pro Parent Control do të listojë para jush të gjithë website-t më të vizituar, duke përfshirë këtu dhe ata që janë bllokuar. Në këtë mënyrë mund të monitoroni mjaft mirë aktivitetin online të minorenëve në familjen tuaj.
HomeShield Pro Security
HomeShield Pro Security është tashmë në gjendje të parandalojë pajisjen tuaj nga aksesi i ëebsit-eve që përmbajnë malëare falë databazës së Avira. Megjithatë duhet të përmendim se për të përdorur këtë shërbim do të duhet të abonoheni në një plan mujor.
Archer AX72 mund ta gjeni në Albamedia, përfaqësuesin zyrtar të TP Link në Shqipëri. Dhe jo vetëm, duke naviguar në dyqanin online, ju gjeni një pajisje nga më të ndryshmet për shërbimet network në shtëpinë apo zyrën tuaj.
