Në legjislacionin e shteti të New York është miratuar ligji i parë në SHBA për sa i përket të drejtës së riparimit të pajisjeve elektrike. I quajtur Fair Repair Act, kjo masë do të kërkojë nga të gjithë prodhuesit që shesin “produkte dixhitale elektronike” brenda kufijve të shtetit të prodhojnë vegla, pjesë dhe të japin instruksione për riparimin e këtyre pajisjeve, si për klientët dhe për dyqanet e pavarura.
Kjo masë do të hyjë në fuqi 1 vit pas miratimit. Grupet e vetë-riparimit si iFixit kanë mbështetur këtë vendim, duke e quajtur “një hap gjigand për vetë-riparimin” në një postim në blog.
“Miratimi i një ligji të tillë nënkupton se riparimet do të reduktojnë shpenzimet, pasi njerëzit që duan të rregullojnë pajisjen e tyre tashmë munden. Më parë, prodhuesit shtynin përdoruesit t’i drejtoheshin dyqaneve të autorizuara, ndërkohë që tani do të duhet të përballen me konkurencën.”
Vitin e kaluar, Joe Biden dha një urdhër ekzekutiv duke kërkuar nga Federal Trade Commission (FTC) të përforcojë të drejtat e riparimit, një lëvizje e mbështetur nga shumica e komisionerëve.
New York nuk është shteti i vetëm që ka mbështetur të drejtën për riparimin, por është shteti i parë që e mbështet në një shkallë kaq të gjërë. Disa shtete të tjera ishin të fokusuara vetëm tek të dhënat e mjeteve të transportit, ndërkohë që në Colorado u mbështet vetë-riparimi i karrigeve me rrota.
