Eksperienca e audios 360 gradë është një nga trend më fantastike e cila po integrohet sa vjen e më shumë tek aksesorët e përditshëm. Praktikisht ai të mundëson që audio të detajojë edhe distancat, duke të dhënë ndjesinë që tingulli nuk po të vjen vetëm nga një drejtim por gjithandej rreth e rrotull teje, duke imituar eksperiencën e një kinemaje. Apple e prezanton atë në emrin Spatial Audio, e disponueshme në AirPods Pro dhe AirPods Pro Max.
Nëse ke një nga aparatet e mësipërme, kemi lajme të mira për ty pasi Netflix do të sjellë suport për Spatial Audio, lajmi është goxha konsistent pasi përflitet prej kohësh tashmë. Duket se kompania ka qenë duke bërë teste që në dhjetor dhe përvojat e para ka mundësi të dalin në pranverë.
Sipas atyre që pretendojnë se janë zhvillues të Netflix, në fillimim do të dalë një katalog i vogël e më pas do të zgjerohet më tej. Kufjet e Apple të afta për të njohur edhe pozicionin e kokës do të ofrojnë një eksperiencë krejtësisht ndryshe, duke e bërë shikimin e serialeve të preferuara nga ekrani i iPhonit apo iPadit si një kinema. Imagjino të shohësh Stranger Things me atë lloj teknologjie, mornicat vijë vetëm duke e menduar.
