Kur pamë për herë të parë të një smartphone të karikohej pa kabull të gjithë menduam se po e jetonim të ardhmen. Ama po kalojnë vite dhe nuk është se ajo teknologji ka parë ndonjë kapërcim kolosal. Shpejtësia e karikimit me të është e limituar dhe ende nuk kemi parë të aplikohet diku tjetër veç smartphonëve të cilët nuk duhet t’i lëvizësh nga vendi duke të limituar edhe në përdorim.
Por duhej të vinte CES 2021 dhe Reasonance për të prezantuar televizorin e parë që karikohet pa kabull dhe pa u prekur me qendrën e karikimit. Kompania ka prezantuar një televizor 40″ me një teknologji të kalimit të elektricitetit pa kabull mbështetur në një teknologji që quhet “rezonancë magnetike e avancuar“.
Televizori ka një unazë marrëse në pjesën e prapme ndërsa sistemi transmetues qëndron 50cm poshtë tij. Kompania thotë se ky sistem është i mirë për televizorë të vegjë, për momentin. Produkti i prezantuar është një prototip, por produksioni masiv duhet të villojë së shpejti.
Ata e kanë patentuar si infrastrukturë dhe janë gati t’a aplikojnë edhe në sektore të tjera si automjetet, dronat robotat etj. Pra jo vetëm një zgjidhje për kabujt e shëmtuar, prapa bufesë por edhe inovacion.
