NASA sapo ka prezantuar planet e reja për të krijuar një raketë të fuqizuar nga energjia bërthamore, e cila do të mund të dërgojë astronuatuët në Mars në vetëm 45 ditë. Agjencia po bashkëpunon me Defense Advanced Research Projects Agency të Pentagon në dizenjimin e kësaj rakete, e cila mund të jetë gati për fluturim në vitin 2027.
Sistemi aktual i raketave që përdoren nga NASA bazohen në teknologjinë tradicionale 100 vjeçare ku një substancë oksiduese miksohet me karburantin e raketës duke krijuar një forcë shtytëse të fuqishme.
Sistemi i ri bërthamor i propozuar do të shfrytëzojë fuqinë e çliruar nga ndarja e atomeve, e cila do të jetë “3 herë më efiçiente” dhe do të bëjë të mundur reduktimin e kohës së fluturimit drejt Marsit në vetëm 45 ditë. Me teknologjinë aktuale nevojiten 7 muaj për të kryer një fluturim të tillë.
“NASA dhe DARPA kanë një histori të gjatë bashkëpunimesh të frytshme për qëllime të përbashkëta të cilat kanë sjellë avancime teknologjike, që nga raketa Saturn V që dërgoi për herë të parë humanët në Hënë e deri në shërbimin robotik për furnizimin e satelitëve.” tha drejtuesja e DARPA Stefanie Tompkins.
Motorët me energji bërthamore mund të përdorin në mënyrë më efiçiente energjinë e tyre, madje mund të punojnë me nivele të larta për një kohë më të gjatë se motorët që përdoren në ditët e sotme në raketa, duke shkurtuar kohën e fluturimit.
