Pikërisht atëhere kur e mendonim se 2020 nuk mund të shkonte më keq NASA publikon strategji për devijim asteroidësh.
Por përpara se të alarmohemi le të shpjegojmë për çfarë bëhet fjalë.
Dimorphos është hëna e një asteroidi e cila do të goditet nga një mjet i NASA.
Misioni Double Asteroid Redirection Test (DART) do të arrijë një asteroid të quajtur Didymos në 2022 si një provë për të parë nëse devijimi i rrugës së një asteroidi është i mundur dhe cilat janë sfidat.
Një hënë e këti asteroidi është shenjestra e cili ka marrë emrin Dimorfos nga “dy forma” përpara dhe pas përplasjes.
ESA llogarit se përmasat e këtij asteroidi janë sa njëra nga piramidat e mëdha të Egjiptit. DART sugjeron një plan për ta goditur këtë trup qiellor dhe për ti ndryshur atij orbitën, për të krijuar kështu një sistem mbrojtës në rast se një rrezik i tillë i afrohet planetit tonë të të ardhmen.
NASA do ta qëllojë e më pas ESA do të merret me ekzaminimin. Dy vjet pas goditjes agjensia Europiane do të lëshojë anijen Hera e cila do të studiojë rezultatet e DART. Jemi qartësisht në fillim të zotërimit të hapsirës, hapat janë mikroskopik, por gjithsesi më mirë gati.
Misioni duhet të nisë në 2021, Didymos dhe Dimorphos nuk janë aspak kërcënime për Tokën, por në këtë rast shërbejnë.
Ky mision do të jetë gjithashtu hera e parë që dora e njeriut ndikon në formën gjeografike të trupave qiellorë jashtë planetit tonë.
