ChatGPT është bërë chatbot-i më i njohur i inteligjencës artificiale falë aftësisë për të ndihmuar në një gamë të gjerë detyrash — nga planifikimi i udhëtimeve te kursimi i parave. Megjithatë, ka kufizime të rëndësishme që përdoruesit duhet t’i njohin. AI mund të japë informacion të pasaktë (“hallucinations”), të mos jetë i përditësuar dhe të shfaqë siguri të tepruar edhe kur gabon. Këto mangësi bëhen kritike në situata me rrezik të lartë si çështje shëndetësore, financiare apo ligjore.
Për këto arsye ne ju rekomandojmë që të mos e pyesni ChatGPT rreth:
Shëndetit fizik: ChatGPT mund të ndihmojë për të strukturuar pyetje për mjekun ose për të përkthyer terma mjekësorë, por nuk mund të bëjë ekzaminime apo analiza. Përdorimi i tij për diagnoza mund të çojë në alarm të panevojshëm ose gabime të rrezikshme.
Shëndetit mendor: Mund të ofrojë teknika bazike për qetësim, por nuk zëvendëson një terapist të licencuar që ka eksperiencë njerëzore dhe aftësi për të interpretuar gjuhën e trupit ose tonin e zërit.
Vendime emergjente: Në raste urgjente, si alarmi i monoksidit të karbonit, çdo sekondë është e çmuar — duhet të reagosh menjëherë, jo të kërkosh këshilla nga AI.
Financat dhe taksat: ChatGPT nuk ka qasje në situatën tuaj financiare dhe mund të përdorë të dhëna të vjetra. Nuk zëvendëson një kontabilist profesional, sidomos kur bëhet fjalë për rreziqe fiskale ose penalitete.
Të dhëna konfidenciale: Futja e kontratave, dokumenteve ligjore, të dhënave personale ose informacionit të mbrojtur ligjërisht në ChatGPT mund të cenojë privatësinë dhe sigurinë, pasi këto të dhëna mund të ruhen ose përdoren për trajnimin e modelit.
Veprimtari të paligjshme: Përdorimi i AI për aktivitete të ndaluara është rrezik ligjor.
Shkollë: Përdorimi për të kopjuar punë akademike rrezikon masa disiplinore dhe humbjen e aftësive që duhet të fitosh.
Lajme dhe informacion i freskët: Edhe pse ChatGPT Search ofron burime të fundit, nuk jep përditësime të vazhdueshme. Për ngjarje në zhvillim, burimet zyrtare janë më të sigurta.
Lojëra me letra: ChatGPT nuk mund të parashikojë rezultate të ardhshme me saktësi; rreziku financiar është i lartë.
Dokumente ligjore: Mund të shpjegojë koncepte bazë, por nuk duhet t’i besohet për hartimin e dokumenteve me fuqi ligjore, pasi mungesat formale mund t’i bëjnë ato të pavlefshme.
Pra, ju duhet të përdoni më tepër ChatGPT për mbledhjen dhe organizimin e informacionit, por AI nuk mund të jetë një mjet zëvëndësues i profesionistëve në situata kritike.
