“42”, modeli më inovator për të mësuar programim në mënyrë praktike dhe përmes projekteve, me 55+ kampuse në mbi 32 vende në mbarë botën, ka ardhur më në fund në Tiranë. Ky është një super lajm për programuesit që duan të zhvillojnë më tej aftësitë e tyre, maturantët në kërkim të një edukimi më stimulues, sipërmarrësve që duan të përdorin teknologjinë për të rritur start up-et e tyre apo njerëz të pakënaqur nga punët aktuale, të cilët duan të ndryshojnë karrierë dhe t’ia nisin nga e para. Metodologjia “42” është krijuar enkas për të ngushtuar hendekun mes arsimit dhe industrisë së teknologjisë.
Me trendet e reja të punësimit të gjithë kanë kthyer sytë nga programimi, si një mjet për vende të sigurta pune e të mirëpaguara në të ardhmen. Ky interes nuk ndihet vetëm te të rinjtë që janë ende në hapat e para të karrierës, por edhe te individë në karrierë, të cilat vijnë nga industri që po vdesin. Në këtë aspekt, modele si “42” që nuk kërkojnë medoemos përvojë në programim, janë një mundësi e shkëlqyer. “42” është një metodologji e cila ka dëshmuar sukses në të gjitha vendet ku është implementuar. Ky sistem inovativ ka ndihmuar mijëra të rinj të zhvillohen si programues, të ndryshojnë karrierë apo të fuqizojnë start up-et e tyre, pa asnjë tarifë shkollimi.
Sot, falë 42 kam përftuar aftësi të mëdha që më mundësojnë të ndërtoj një të ardhme më të mirë, duke bërë një punë që më pëlqen.
Amelie Ramier, ish-studente e “42France
Një avantazh i “42Tirana” është ambienti cool, në një lokacion cool të kryeqytetit, si Piramida, falë mbështetjes së Fondacionit Shqiptaro-Amerikan për Zhvillim (AADF), i cili vitet e fundit ka investuar shumë në inovacion, duke e kthyer Piramidën e Tiranës në qendër rajonale të teknologjisë. Një mjedis stimulues, ku studentët rriten profesionalisht duke ndihmuar njëri-tjetrin të tejkalojnë sfidat me të cilat përballen gjatë realizimit të projekteve të ndryshme. Duke iu qasur procesit të mësimnxënies në mënyrë praktike, studentët mund të ndjekin në kohë reale përmirësimin dhe rritjen pedagogjike.
Nëse jeni në kërkim të punës së ëndrrave, dikush që doni të ndërroni karrierë apo një sipërmarrës start up-i, ngushtësisht i lidhur me teknologjinë vizitoni 42tirana.org për të mësuar më shumë. “42Tirana” nuk është thjesht një shkollë, por një platformë inovative që të përgatit për të ardhmen, prandaj mos humbisni kohë, por aplikoni tani në 42tirana.org dhe ndryshoni jetën tuaj!
