Kompania First Line Furniture e bazuar në Tennessee po bashkëpunon me krijuesit e tavolinave antiplumb për të prodhuar tavolina të tilla në masë. Këto tavolina pritet të instalohen në të gjitha shkollat për të mbrojtur studentët nga sulmet në masë që kryhen nga persona të ndryshëm, një ngjarje kjo shumë e shpeshtë në SHBA.
Përmes një video të publikuar nga NBC, një demonstrues tregon se si mësuesit dhe studentët duhet të rrotullojnë tavolinat e tyre në drejtim të derës dhe të kyçin rrotat. Mendohet gjithashtu që 3 tavolina të tjera në klasë të rrotullohen në formën e një trekëndëshi që mund të mbrojë 30 fëmijë njëherazi. Dhe pse ajo do të ketë një peshë prej 163.3kg, do të jetë lehtësisht e lëvizshme.
Tavolinat janë testuar me granata, pistoleta dhe mitraloz dhe kanë arritur të absorbojnë goditjet. John Jerman, drejtues i Office Furniture Works tha: “Qëlluesi vjen në derë, e cila do të jetë e kyçur. Ai qëllon mbi kyçin. Plumbat shkojnë të gjitha në tavolinë. Ajo nuk është metalike. Nuk ka rikoshet. Nuk ka penetrim të plumbave. Në fakt, tavolina nuk luajti aspak nga vendi i saj kur u godit.”
Kompania shtoi gjithashtu se tavolinat mund të përdoren për të mbrojtur oficerët e policisë nga qëlluesit jasht klasës.
