Vitin e shkuar Microsoft krijoi një version të veçantë bazuar në Linux për Azure Sphere OS, i krijuar për të komanduar proçesorë të veçantë për platformën e tyre Internet of Things (IoT).
Sistemi është ndërtuar posaçërisht pë këtë kategori aparatesh duke mundësuar shërbime bazike dhe të izoluara në maksimum për qëllime sigurie.
Dhe tek kjo e fundit kërkon ndihmën e hackerave; deri në $100,000 shpërblim për këdo që arrin të infiltrohet në sistemin Pluton apo Secure World të Azure Sphere OS.
Kjo do të jetë pjesë e një programi 3 mujor duke filluar nga 1 qershori deri në 31 gusht.
Me situata të ndryshme dhe sfida të ndryshme të përcaktuara nga vetë kompania. Të gjitha me shpërblimet e posaçme.
Nuk bëhet fjalë për sulme të paautorizuara ndaj edhe ka një vend specifik ku duhet të aplikosh për tu bërë pjesë e programit.
Microsoft në fakt po kërkon një ekip studiuesish sigurie që të mund të infiltrohen në Azure Sphere në mënyrë që të ofrojnë shërbim më të sigurt. Pasi një sistem që ka në kontroll gjithë shtëpinë apo zyrën tënde mund të përdoret për qëllime nga më të rrezikshmet nëse kompromentohet dhe bie në duart e gabuara.
Azure Sphere është deklaruar vetëm vitin që shkoi ndaj dhe është fare i ri.
Por biznese si Starbucks po i përdorin që tani, për të siguruar pajisjet e dyqaneve të veta.
CEO i Microsoft Satya Nadella e sheh IoT si fushë kyç për vetë kompaninë. Ndaj edhe vëmendja e tyre është e fokusuar drejt aparateve smart të cilat në dekadën në vijim pritet të bëhen standart në çdo shtëpi.
Misioni i Azure Sphere është ti mbajë këto aparate të sigurta, duke shtrirë kështu prezencën në botë përtej asaj të Windows.
