Leak-et më të fundit kanë në vëmendje Microsoft dhe produkte së fundmi të dashura për përdoruesin.
Konkretisht Surface Book 3 dhe Surface Go 2.
Mesa duket Microsoft do të përdorë proçesorët më të fundit të gjeneratës së 10 të Intel për Surface Book 3, e bashkë me të 32GB RAM e 1TB memorie e brendshme.
Zërat flasin gjithashtu se kësaj radhe do të përdoren kartat grafike Nvidia Quadro në disa modele të Book 3.
Kjo për tu fokusuar tek kërkesa e animatorëve 3D, designerëve, apo inxhinierëve që preferojnë Quadro të optimizuar për disa lloje programesh profesionalë në vend të video lojrave.
Sa i përket Go 2, përveç versionit standart me proçesor Intel Pentium Gold do të ketë edhe një version me Intel Core m3.
Ky i fundit bëhet e ditur se mund të vijë me 8GB RAM dhe 128GB memorie të brendshme si dhe mundësinë për LTE.
Surface Go 2 do të ketë një ekran 10.5-inch dhe korniza më të holla.
Designi do të jetë i njejtë me serinë e parë Go ndaj edhe aksesorët e jashtëm të gjeneratës së re do të funksionojnë më së miri me produktin e ri.
Microsoft planifikon ti publikojë këto muajin e ardhshëm, gjërat mund të ndryshojnë prej pandemisë por megjithatë u bë goxha kohë që kompania po punon për këto produkte.
