Punonjësit e Meta kanë shprehur mendimet e tyre në forumin anonim të Blind, ku kanë folur për fokusimin maksimal të Mark Zuckerberg drejt metaverse.
Gjatë ditës që Meta pushoi nga puna 13% të forcës punëtore, punonjësit vërshuan drejt këtij forumi për të shprehur mendimet e tyre negative. Një punonjës e krahasoi pushimin nga puna me filmin e famshëm “hunger games”, ndërkohë që një tjetër shprehu se pronari i Facebook “ka një të ardhme jo shumë të qartë”.
Insider nisi të eksploronte aplikacionin ku punonjësit e stafit mund të shprehin mendimet e tyre përmes postimeve për të shikuar se çfarë po tregohej rreth CEOs dhe Meta. Ishin rreth 44 punonjës të cilët publikuan mendimet e tyre në këtë platformë.
“Metaverse do të jetë vdekja jonë e ngadaltë,” tha një përdorues i cili mendohet të ketë qenë një zhvillues software-i i lartë. Nga ana tjetër, një tjetër përdorues u shpreh se “Mark Zuckerberg do të shkatërrojë të gjithë kompaninë për shkak të metaverse.”
Në momentin e dhënies së lajmit për pushimin nga puna të 11,000 personave Zuckerberg kërkoi falje dhe pranoi se “ka gabuar”.
Dhe pse personat që japin mendimet e tyre në Blind nuk janë të verifikuar, që nga viti 2020 ka rreth 6,000 reviews mbi kompaninë dhe një vlerësim me 4/5 yje.
