Një gjenerator i ri videosh i fuqizuar nga AI i Meta prodhon përmbajtje me kualitet të lartë të shoqëruar dhe me zë, bëhet e ditur nga një postim i kompanisë. Njoftimi vjen disa muaj pasi OpenAI prezantoi Sora, modelin e tij text-to-video – megjithëse aksesi publik në Movie Gen nuk është ende gati.
Movie Gen përdor përshkrimet në tekst për të gjeneruar automatikisht video të reja, si dhe për të modifikuar pamjet ekzistuese ose imazhe. New York Times raporton se audioja e shtuar në video është gjithashtu e krijuar nga AI, duke përputhur imazhet me zhurmën e ambientit, efektet zanore dhe muzikën në sfond.
:format(webp)/cdn.vox-cdn.com/uploads/chorus_asset/file/25658079/ai_label.png)
Videot mund të krijohen në raporte të ndryshme pamje. Përveç gjenerimit të klipeve të reja, Meta thotë se Movie Gen mund të krijojë gjithashtu video të personalizuara nga imazhet ose të marrë një video ekzistuese dhe të ndryshojë elementë të ndryshëm të saj. Një shembull i ndarë nga kompania tregon një fotografi të kokës së një gruaje të shtuar në një ambient të ri me kunguj duke shijuar një pije.
Movie Gen mund të përdoret gjithashtu për të modifikuar pamjet ekzistuese dhe për të ndryshuar stilin dhe tranzicionet duke shtuar gjëra që nuk kanë ekzistuar më parë. Ndryshimet mund të bëhen duke përdorur përshkrime në tekst.
Shefi i produktit të Meta, Chris Cox, shkruan në Threads se kompania “[nuk është] gati ta lëshojë këtë si produkt së shpejti“, pasi është ende i shtrenjtë dhe koha e gjenerimit është shumë e gjatë.
