Meta po planifikon të marrë rreth 50% komisione për të gjitha blerjet e aseteve dixhitale të bëra brenda “metaverse”. Këto plane bien në kundërshtim me ankesat e mëparshme të kompanisë, të cilët e konsideronin të majmë komisionin 30% që Apple merr për blerjet e bëra përmes App Store.
Gjatë kësaj jave, Meta tregoi se po përgatit mënyra të reja për të lejuar krijuesit të fitojnë para nga metaverse. Një mënyrë fitimi për krijuesit do të jetë përmes shitjes së NFTs përmes platformës Horizon Worlds. Në këtë postim, Meta nuk specifikoi se cili do të ishte komisioni i tyre për blerjet, mirëpo një zëdhënës i kompanisë zbuloi se ai do të ishte 47.5%: 30% hardware fee dhe 17.5% nga platforma.
Zëvëndës presidenti i Horizons, Vivek Sharma tregoi se komisioni prej 50% është “në një tarifë tepër konkuruese në treg”. Mirëpo Mark Zuckerberg në qershor të vitit të kaluar shkruajti në Facebook se Meta do të ofrojë produktet e platformës “pa komision për krijuesit” deri në vitin 2023, dhe më pas do të aplikojë një komision që është më i ulët se 30% që Apple dhe kompanitë e tjera marrin.
Në një tjetër postim Zukerberg tha se komisioni i marrë nga App Store e bën më të vështirë që krijuesit të paguhen për punën e tyre dhe e konsideron atë si “dëmtues për konsumatorët”.
Pak ironike kjo, si mendoni?
