Mark Zuckerberg ka shpërndarë një video të shkurtër ku prezanton disa nga aftësitë e VR Headset më të ri dhe më high-end të Meta, Project Cambria, dhe pse pamja e vetë pajisjes është jo e qartë.
Meta tregon se si ky headset është në gjendje të shfaqë pamje me ngjyra të plota dhe rezolucion të lartë, në mënyrë që të gjithë përdoruesit të ndërveprojnë me objektet virtuale të mbivendosura në ambientet e tyre reale.
Eksperienca e realitetit të miksuar është ndërtuar duke përdorur Presence Platform të kompanisë, e cila u prezantua gjatë vjeshtës së vitit të kaluar. Project Cambria pritet të ketë sensorë imazhi me rezolucion shumë më të lartë se Quest të cilët do ta bëjnë botën reale të duket mjaft mirë brenda headset-it.
Në këtë reel shfaqet Mark Zuckerberg duke luajtur me personazhin e animuar dhe duke prezantuar mënyrën se si Project Cambria do të jetë tepër i rëndësishëm për të gjitha aktivitetet tona ditore, që nga puna e deri tek aerobia.
Ky VR Headset është vetëm një ndër disa pajise të ndryshme që Meta planifikon të prezantojë gjatë viteve të ardhshme. Kompania do të ndihmojë zhvilluesit të krijojnë eksperiencat e tyre të veçanta AR në mënyrë që të tërhiqen sa më tepër njerëz drejt këtij shërbimi.
