Nëntori duket se do të jetë goxha intens për Apple e cila sipas raportimeve do të na shfaqë më në fund MacBookët me proçesorë të bazuar tek ARM.
Lajmi vjen nga Bloomberg, “Laptopi i parë Mac me proçesorin e vetë Apple, mes disa produkteve të tjera, do të vijë në një event tjetër lançimi në nëntor.” Me këtë të fundit i referohet sigurisht lançimit të iPhone 12 që pritet të vijë nesër.
Mbetet e paqartë çfarë do të thotë produkte të tjera, por mund të hamendësojmë se Mac-ët e parë ARM mundet të vijnë bashkë me modele të tjera. Siç është lajmëruar edhe më parë transicioni i plotë tek proçesorët e rinj do të dojë rreth dy vjet.
Nuk dihet se cili prej laptopëve do të jetë i parë që do të marrë këtë trajtim, por bëhet e ditur se proçesori i prodhuar nga vetë kompania, me emër të koduar “Tonga“, do të jetë 12 core e do të bazohet në çipin A14X Bionic.
