LG Electronics ka prezantuar një pastrues të ri ajri të quajtur PuriCare Object Collection Aero Furniture gjatë eventit IFA 2022. Ky dizajn i ri i ngjashëm me një tavolinë ngushton diferencën midis mobiljes dhe pastruesit së ajrit, duke ofruar një shërbim që mund të përfshihet në jetën tuaj të përditshme, ndërkohë që ajri juaj pastrohet nga të gjitha drejtimet.
LG Aero Furniture është elegant dhe kompakt, dhe masa e tij e vogël bën që ai të jetë perfekt për hapësirat e vogla, si përshembull një dhomë gjumi apo një studio. Opsionet e shumta të përzgjedhjes së ngjyrës dhe formës ju japin mundësinë që ju të zgjidhni produktin më të përshtatshëm për ambientin tuaj.
Për më tepër, Aero Furniture e re vjen me disa shërbime të mirëmenduara për një eksperiencë përdorimi të personalizuar. Përdoruesit mund të karikojnë smartphone-t e tyre apo kufjet wireless përmes karikuesit të përfshirë wireless dhe të krijojnë një atmosferë të qetë përmes ndriçimit ambiental në 8 ngjyra të ndryshme, që mund të ndryshohen lehtësisht përmes aplikacionit LG ThinQ.
Ky produkt përmirëson shumë kualitetin e ajrit në dhomën tuaj falë filtrimit me disa faza të Aero Furniture, i cili kombinon Ultra-fine Filter, Dust Collector Filter dhe Deodorization Filter të LG. Përdoruesit mundet që të përfitojnë dhe nga teknologjia UVnano e LG, e cila ul prezencën e viruseve dhe baktereve rreth helikave të Aero Furniture deri në 99.99%.
Për produktet më të reja nga IFA 2022, na ndiq këto ditë në Instagram pasi Geek Room dhe Neptun janë aty për të raportuar në kohë reale për të gjithë ndjekësit tanë.
