Një startup francez ka modifikuar gjenetikisht një bimë që mbahet në shtëpi për të qenë 30 herë më efiçiente në thitjen e faktorëve ndotës që gjenden në ajrin e dhomës tuaj në krahasim me bimët e tjera, dhe së shpejti ju do të keni mundësinë të porosisni një bimë të tillë për ta vendosur në shtëpinë tuaj.
Shumë produkte të zakonshme shtëpiake lëshojnë molekula të quajtura përbërës organikë të paqendrueshëm (VOC) të cilat mund tërrisin problemet shëndetësore që nga dhimbja e kokës e deri tek dëmtimi i organeve. Për shkak se ato ndodhen kudo në shtëpinë tonë, përqëndrimi i tyre mund të jetë 10 herë më i madh në shtëpi se jashtë.
“Ekipi ynë është angazhuar për të krijuar një të ardhme të qëndrueshme këtu në tokë, ku bimët përmirësohen po aq shpesh sa smartphone-t tanë.” tha CTO Patric Torbey.
Duke bërë modifikime gjenetike të këtyre bimëve, startup-i Neoplants ka zhvilluar një bimë atipike të quajtur “Neo P1” e cila është 30 herë më efektive në largimin e VOC nga ajri i shtëpisë. Në tetor kompania lajmëroi se do të niste shitjen e kësaj bime – një version i modifikuar i pothos vine – për $179.
Neoplants përzgjodhi pikërisht këtë vimë pasi gjethet e saja të mëdha dhe rritja e shpejtë e ndihmojnë bimën të thithë sasi të mëdha molekulash ndotëse. Kompania arriti të modifikonte gjenetikisht bimën duke shtuar gjene nga bakteriet që ushqehen me kimikate toksike të marra nga imkroorganizmat simbiotikë që jetojnë zakonisht në rrënjët e bimëve.
article by Xhonald Mamo
