Një tjetër ish-punonjës i Apple, Bobak Tavangar, po lançon një pajisje të fuqizuar nga AI – këtë herë, janë një palë syze të rrumbullakëta inteligjente që kanë një ngjashmëri të jashtëzakonshme me syzet që shpesh mbante Steve Jobs.
Syzet e quajtura Frame vijnë nga një startup Brilliant Labs, i cili promovon Frame si një mënyrë për të përkthyer përmes AI, kërkuar në web dhe për të analizuar objektet që ndodhen para syve tuaj. Siç tregohet në një video të postuar nga Brilliant Labs, ju mund të përdorni zërin tuaj për t’i kërkuar syzeve të bëjnë gjëra të tilla si të identifikojnë një pikë referimi që po shikoni, të kërkoni në internet për një palë atlete të veçanta që po shihni, apo edhe të kërkoni informacion mbi vlerat ushqyese për ushqimin që do të hani. Informacioni shfaqet si një mbivendosje drejtpërdrejt në lente.
Frame vjen në tre ngjyra që mund të porosisni paraprakisht tani: e zezë, gri dhe transparente. Frame do të nisë të dërgohet drejt klientëve të parë në 15 prill.
Syzet smart lidhen me aplikacionin e Brilliant Labs, i quajtur Noa. Aplikacioni përmban një asistent të AI që përdor OpenAI për analiza vizuale, Whisper për përkthim dhe Perplexity për kërkimin në web. Në një intervistë me Venture Beat, Brilliant Labs thotë se AI i saj Noa “mëson dhe përshtatet si me përdoruesin ashtu edhe me detyrat që ai merr“.
:format(webp)/cdn.vox-cdn.com/uploads/chorus_asset/file/25276806/CASE_STUDIO.png)
Syzet përmbajnë një ekran mikro OLED me ngjyra 640 x 400 piksel që projekton dritën para syve të përdoruesve. Ai ofron një fushë shikimi diagonale me afërsisht 20 gradë, e cila është në paksa e vogël në krahasim me produktet e tjera në treg, veçanërisht në krahasim me diçka si 52 gradë që do të merrni me dizajnin e ri Air 2 Ultra të Xreal. Do të thotë që do të shihni vetëm tekst ose imazhe brenda një kutie të vogël.
Frame vjen gjithashtu me një kamera 1280 x 720, mikrofon dhe një bateri 222 mAh, ndërkohë që do t’ju kushtojë $349.
