Shefi ekzekutiv i një startup indian pushoi nga puna 90% të stafit të tij të marrëdhënieve me klientin pasi firma krijoi një chatbot të mundësuar nga inteligjenca artificiale që mund t’i përgjigjet pyetjeve të klientëve shumë më shpejt se punonjësit e tij. Summit Shah, themeluesi dhe CEO i Dukaan, një kompani e-commerce, tha në Twitter të hënën se chatbot – i ndërtuar nga një prej shkencëtarëve të të dhënave të firmës brenda dy ditësh – mund t’i përgjigjet pyetjeve fillestare të klientëve menjëherë, ndërkohë që stafit të tij i duhej një mesatare prej 1 minutë e 44 sekonda që t’i përgjigjej kërkesave.
Koha mesatare e marrë për të zgjidhur problemin e një klienti gjithashtu ra me pothuajse 98% kur klientët ndërvepruan me chatbot, shkroi ai në Twitter. Shah tha se shkurtimet e vendeve të punës ishin “të vështira” por “të nevojshme“.
Duke përdorur këtë teknologji, kompania ka ulur koston e funksionit të saj të marrëdhënieve me klientët me rreth 85%, tha Shah. Ai shtoi se kjo pjesë e biznesit ka qenë prej kohësh problematike, me përgjigje të vonuara dhe disponueshmëri të kufizuar të stafit në momente kritike, ndër të tjera. Themeluesi i teknologjisë tha se Dukaan ishte ende duke punësuar për role të shumta. Sipas faqes së internetit të firmës, pozicionet e hapura përfshijnë role në inxhinieri, marketing dhe shitje. Shah i tha CNN se ai besonte “në një të ardhme ku AI dhe njerëzit punojnë së bashku, secili duke bërë atë që bën më mirë,” dhe se ai po eksploronte mundësi për të përdorur AI në punën që përfshin dizajnin grafik, ilustrimin dhe data science.
