Udhëtimet e pasagjerëve trans Atlantik mund të shkurtohen tetë herë, falë një linjë të re ‘hipersonike’ që po zhvillohet. Një kompani e hapësirës ajrore në Teksas e quajtur Venus Aerospace është duke punuar për të krijuar një aeroplan reaktiv të quajtur Stargazer, së bashku me motorin që do ta fuqizojë atë.
Stargazer do të jetë ‘hipersonik’ – që do të thotë se mund të udhëtojë me një shpejtësi mbi pesë herë më të lartë se shpejtësia e zërit – dhe gjithashtu do të fluturojë më lart se avionët e tjerë. Nëse aprovohet për udhëtime komerciale, avioni prej $33 milionë mund të përfundojë udhëtimin prej 5,566 km nga Londra në New York në më pak se një orë – rreth tre herë më shpejt se Concorde dhe 5 herë më shpejt se aeroplani i ardhshëm i NASA-s “Biri i Concorde“.
Në eventin e Up Summit në Bentonville, Arkansas javën e kaluar, Venus Aerospace debutoi motorin që do të fuqizojë aeroplanin e saj Stargazer nëpër qiej. Quhet Venus Detonation Ramjet 2000 lb Thrust Engine, i njohur gjithashtu si ‘VDR2’.
Andrew Duggleby, bashkëthemelues i Venus Aerospace, tha se motori do të mundësojë një ‘revolucion në fluturimin me shpejtësi të lartë’. Sipas Venus Aerospace, VDR2 mund të arrijë shpejtësi 6 Mach ose gjashtë herë më shumë se shpejtësia e zërit – pra deri në 7,402 km/h.
Ashtu si pasagjerët e Concorde pothuajse një çerek shekulli më parë, pasagjerët e Stargazer do të jenë në lartësi të mjaftueshme për të parë kurbaturën e Tokës.
