Në 2028, një raketë nga NASA do të ngrihet nga sipërfaqja e Marsit në drejtim të orbitës, duke marrë me vete një ngarkesë me gurë të cilat do të nisen në një udhëtim prej 96 milionë kilometrash drejt Tokës.
Kjo do të jetë hera e parë që një raketë ngrihet nga sipërfaqja e një planeti tjetër përveç Tokës. Kjo raketë do të rikthejë disa provëza të Planetit të Kuq që po mblidhen nga Perseverance, dhe NASA ka publikuar një animim të mrekullueshëm të këtij proçesi. Misioni “Mars Sample Return” është i kryer në bashkëpunim midis NASA-s dhe European Space Agency, e cila po ndërton një rover të vogël për kapjen e provëzave të marra.
Në animimin e ri shfaqet Mars Ascent Vehicle, një raketë e lehtë që kushton $194 milionë do të lançohet nga sipërfaqja e Marsit, do të futet në një anije kozmike në orbitën e Planetit të Kuq dhe do të niset drejt Tokës.
Që nga ulja në shkurt të 2021, roveri Perseverance i NASA ka lëvizur përreth kraterit Jezero duke grumbulluar shkëmbinj të ndryshëm. Secili prej këtyre shkëmbinjve do të ruhet në një tub titanium dhe do të niset për në Tokë në vitin 2028, nëse gjithçka shkon sipas planit.
Administrator i NASA, Bill Nelson tha se ky do të ishte një hap tepër i rëndësishëm që do të ndihmojë në dërgimin e astronautëve drejt Marsit.
