Sennheiser është një kompani që njihet për kufjet e tyre me kualitet tepër të lartë dhe shërbime të veçanta. Kufjet më të reja Wireless nga kompania quhen Sport True Wireless, dhe kanë një shërbim të ri që secili prej nesh do të pëlqente ta përdorte.
Shumica e kufjeve më të mira wireless ofrojnë një shërbim që bën të mundur kalimin e zhurmave në ambientin që ju rrethon në mënyrë që ju të jeni më të vetëdijshëm rreth asaj që po ndodh pranë jush pa hequr kufjet. Mirëpo Sennheiser Sport True Wireless e çojnë këtë koncept në nivelin tjetër përmes Adaptable Acoustic.
Ky shërbim, ndryshe nga çdo produkt tjetër, bën të mundur zhdukjen e zhurmave që trupi juaj bën, si përshembull rrahjet e zemrës apo zhurmat e hapave në dysheme, ndërkohë që ju mund të dëgjoni çdo zhurmë tjetër rreth jush.
Gjithashtu, këto kufje kanë një bateri mjaft të madhe dhe ofrojnë 9 orë luajtje muzike, dhe 18 orë të tjera ekstra së bashku me kasën mbajtëse të tyre. Sport True Wireless mund të përdoren dhe nga atletët ndërkohë që ato kryejnë aktivitete fizike, pasi vijnë me një çertifikim IP54 kundër djersës, shiut të lehtë apo pluhurave.
Tashmë Sennheiser ka nisur të marrë porosi për Sport True Wireless earbuds, me një çmim prej $129.95.
