Kryetarja e bashkisë së Berlinit, Franziska Giffey shpenzoi të paktën 15 minuta duke diskutuar në një video-telefonatë me një person që shtirej si të ishte kryetari i bashkisë së Kievit, Vitali Klitschko, para se të kuptonte gjithçka.
Personi në rolin e Vitali Klitschko me sa duket ka përdorur deepfake për të zëvëndësuar fytyrën e tij me atë të kryetarit të bashkisë së Kievit.
“Gjatë bisedës nuk kishte shumë pika referimi që tregonin se biseda nuk po kryhej me Vitali Klitschko-n e vërtetë. Mirëpo me sa duket e gjitha ishte një deepfake. Policia është telefonuar për të nisur investigimet.” shkruajti kancelarja në Twitter.
Es gab keine Anhaltspunkte dafür, dass die Videokonferenz nicht mit einer echten Person geführt wird. Allem Anschein nach handelt es sich um Deep Fake. Das LKA Berlin, Staatsschutz, ist eingeschaltet. https://t.co/SWgvn9JRNR pic.twitter.com/soWNZwuQAb
— Senatskanzlei Berlin (@RegBerlin) June 24, 2022
Zëdhënësja e Giffey tregoi se 15 minutat e para të bisedës ishin tërësisht normale, dhe personi i maskuar si Klitschko po fliste për refugjatët ukrainas, mënyrën se si Berlini po menaxhonte situatën me ta dhe cilat ishin numrat – një bisedë tërësisht normale, njësoj siç pritej dhe nga Giffey.
Vetëm pasi Klitschko “i rremë” nisi të bënte disa pyetje të çuditshme nisën dyshimet e para. “Dyshimet e Giffey u rritën pasi ky person pyeti në lidhje me ukrainasit që po përpiqeshin të përfitonin benefite sociale në Berlin” tha zëdhënësja e kryetares së Berlinit.
“Gjithashtu kishte dhe një kërkesë për Gjermaninë që të nisnin aksionin përmes autoriteteve për të rikthyer burrat e rinj në Ukrainë për të luftuar.” shtoi zëdhënësja.
Më pas lidhja përfundoi ose u shkëput, sipas zyrës së kryetares. Nga ai moment u kuptua zyrtarisht se Giffey nuk ka qenë duke biseduar me Vitaly Klitschko-n e vërtetë.
