Superkompjuteri më i shpejtë në botë sapo performoi më tepër se 1 kuintilion përllogaritje në sekondë, duke u futur kështu në fuqinë e shkallës ekza. Kjo gjë është bërë e ditur nga një rradhitje e superkompjuterëve më të shpejtë në botë të qujatur TOP500, që u prezantua në 30 maj. Kompjuteri i njohur si Frontier është kompjuteri i parë me fuqi përllogaritëse të shkallës ekza që përfshihet në listën që rifreskohet çdo dy vite.
Përllogaritja në shkallën ekza pritet të mundësojë avancime të reja në disa fusha të ndryshme shkencore, që kushtëzohen nga llogaritjet tepër komplekse. Ky moment historik “përfaqëson një aftësi të paprecedentë për studiuesit në mbarë botën të cilët mund t’i japin zgjidhje pyetjeve të tyre specifike” thotë drejtuesi i projektit të Frontier, Justin Whitt, në laboratorin Oak Ridge.
Frontier arriti fuqinë maksimale 1.1 ekzaflop, ose thënë ndryshe 1.1 kuintilion operacione në sekondë. Ky superkompjuter mposhti mbajtësin e mëparshëm të rekordit, Fugaku (ne Japoni), i cili kishte arritur fuqinë pak më të madhe se 0.4 ekzaflop. Pas pothuajse 3 vitesh zhvillim, Frontier do të jetë i gatshëm për t’u përdorur në fund të 2022.
Dhe pse raportime të ndryshme tregojnë se superkompjuterët nga Kina e kanë arritur një performancë më të madhe se 1 ekzaflop, asnjëri prej tyre nuk është përfshirë në listën e TOP500.
Me këtë aftësi të re, pritet që shkencëtarët të simulojnë mënyrën se si yjet shpërthejnë, të përllogarisin vetitë e grimcave subatomike, të investigojnë burime të reja energjie si fuzioni nuklear dhe të përdorin inteligjencën për të përmirësuar diagnozën dhe parandalimin e sëmundjeve.
