Motorola ka krijuar një “varëse” të re 5G e cila është dizenjuar për të fuqizuar AR dhe VR headsets (të cilat njihen si XR headsets) si ThinkReality A3 të kompanisë mëmë të saj, Lenovo. Kjo varëse duket si një litar plastik, i cili ka të përfshirë një proçesor Snapdragon 8 Gen 1, bateri me kapacitet 5,000mAh, një touchpad, vend për SIM card, speakers dhe shumë sensorë të tjerë. Motorola tregon se ka arritur ta krijojë këtë varëse në bashkëpunim me Verizon për t’u lidhur në rrjetin 5G.
Idea është që kjo varëse të funksionojë si truri dhe muskujt e një VR apo AR Headset. Duke larguar komponentë si bateria e rëndë dhe një proçesor tepër i fuqishëm, headset-i mund të bëhet shumë më i lehtë për t’u mbajtur. Syzet smart ThinkReality A3 të Lenovo janë dizenjuar për t’u fuqizuar nga laptopët, por mbajtja e kësaj varëseje do të bëjë që këto pajisje të jenë më lehtësisht të transportueshme.
Dhe pse në pamjet e para promocionale kjo varëse shihet të fuqizojë syzet smart ThinkReality A3, Engadget raporton se kjo pajisje është dizenjuar për të funksionuar në kombinim me syzet e tjera smart, dhe do të jetë e pajtueshme me Snapdragon VR Platform dhe Microsoft Remote Network Driver Interface. Kryesisht ky produkt do të përdoret nga nëpunësit e ndërmarrjeve të mëdha.
Deri më tani nuk ka asnjë informacion mbi çmimin e kësaj varëseje dhe se kur ajo mund të jetë e gatshme për publikun.
