Çdo TV në treg për momentin përdor një nga këto dy teknologji: LCD ose OLED.
Të parët janë më të ndeshur pasi janë më të lirë dhe më të lehtë për tu prodhuar. TV me OLED kanë cilësi më të mirë të imazhit por kushtojnë më shumë. Për të pasur cilësi më të mirë TV LCD përdor disa struktura të tjera një ndër to është edhe quantum dots, si rasti i Samsungut dhe linjës së vetë QLED.
Por duket se gjigandi Korean do të mbyllë gjithë prodhimin e televizorëve të kësaj teknologjie dhe do të investojë të paktën $11 bilion dollarë në zhvillimin e një teknologjie të re të quajtur QD-OLED. E cila siç edhe vetë emri propozon do të bëjë bazohet në një shkrirje mes më të mirave të dy teknologjive të mësipërme.
Viti 2020 e sheh Samsung me më shumë produkte Q se kurrë, dhe pavarsisht suksesit asnjëri prej paneleve nuk afrohet me cilësinë e OLED, fushë ku kryesimin e ka aktualisht LG.
Bashkimi i quantum dots dhe shkallës së kontrastit të OLED do të krijonte një TV hibrid potencialisht me cilësi më të mirë se cilado alternativë e momentit.
Qëllimi i çdo TV është të krijojë ngjyrat e kuqe, jeshile dhe blu. LCDtë me LED si QLED e Samsung përdorin LED blu dhe një shtresë quantum dots për të konvertuar disa nga ajo blu në të kuqe dhe jeshile. TV OLED përdorin materiale të verdha dhe blu për të krijuar dritën e bardhë. Në të dyja rastet filtrat e ngjyrave lejojnë të kalojë vetëm ngjyrën e nevojshme për atë nën-pixel.
QD-OLED do të thjeshtojë këto designe në një duke përdorur OLED për ngjyrën blu dhe më pas quantum dots për ta kthyer këtë blu në të kuqe dhe jeshile.
Kjo teknologji përveç cilësisë do të ulte edhe kostot. Ambicia e Samsung është që brenda 2021 të sjellë prototipet e para dhe dalja në tregun e madh të fillojë në 2022.
