Vert City Farm, e cila është e bazuar në Shanghai, ka filluar testimin e një teknologjie të njohjes së fytyrës për të ndaluar incestin brenda tufës së dhive. Teknologjia AI përdor kamera të ndryshme për të ndjekur dhitë që gjenden në një vend dhe përcakton nëse ato kanë lidhje familjare me njëra tjetrën.
Nëse ato po tentojnë të çiftëzohen, sistemi AI lajmëron punonjësit në mënyrë që ta ndërpresin këtë çiftëzim. Ky sistem ka si qëllim të “rrisë efiçiencën në punë dhe kualitetin e gjësë së gjallë duke eleminuar defektet në lindje që lidhen me incestin”.
Teknologjia AI mund të njohë dhe karakteristika të secilës prej tyre, duke njohur sjelljen e tyre, formën e trupit si dhe shenjat e para të sëmundjeve. Për të matur temperaturën e trupit të dhive, AI përdor rrezet infrared dhe lajmëron stafin nëse ndonjëra prej dhive ka temperaturë më të lartë se 40 gradë Celsius.
Falë përdorimit të kësaj teknologjie, ferma ka nevojë vetëm për 7 punëtorë për të mbajtur një tufë prej 10,000 delesh, raporton Global Times. “Tashmë punonjësit nuk kanë më nevojë të monitorojnë gjendjen e dhive gjatë gjithë kohës.” tha Huang Zhen. “Sistemi mund të tregojë informacion rreth çdo dhie në ekranin e kompjuterit, duke përfshirë këtu gjininë, moshën, peshën, vaksinimin, shtatëzaninë dhe gjendjen shëndetësore.”
