Kina ka konfirmuar se do të bashkojë forcat me Rusinë për të ndërtuar një stacion kërkimi në Hënë në vitin 2035, e cila do të rivalizojë Lunar Gateway të NASA.
Konfirmimi i planeve për ndërtimin e International Lunar Space Research Station (ILRS) u publikua ditën e premte nga zyrtarët në China International Space Administration. Rusia dhe Kina kanë si qëllim të mbarojnë ndërtimin e strukturës bazë të ILRS deri në vitin 2035.
Lunar Gateway i NASA do të orbitojë Hënën, ndërkohë që ILRS do të ketë një bazë në sipërfaqjen e Hënës dhe një pajisje që do të orbitojë atë, bashkë me disa rovera eksplorues.
“Ne mirëpresim pjesëmarrjen e kolegëve tanë internacionalë.” thanë zyrtarët kinezë. Më parë Rusia kishte shprehur interesin e saj në bashkëpunimin për krijimin e Lunar Gateway të NASA pas një deklarate informale të firmosur nga Roscosmos dhe NASA në shtator të vitit 2017. Megjithatë në janar të 2021 Rusia tha se nuk do të bashkëpunonte në këtë program.
Kina kërkon të dërgojë astronaut në Hënë para vitit 2030. Ky shtet ka aprovuar gjithashtu 3 misione të tjera në drejtim të Hënës, Chan’e 6, 7 dhe 8 që do të lançohen pas vitit 2024.
