Kompania Solos ka prezantuar AirGo Vision, syzet e para inteligjente me GPT-4o dhe inteligjencë artificiale gjeneruese (AI) që mund të analizojë pamjen vizuale. Pra, pse syzet kanë nevojë për ChatGPT?
Në vend që të përdorni një shërbim si Google Lens në telefonin tuaj për të kërkuar diçka, Solos thotë se AirGo Vision do të ofrojë informacion në kohë reale bazuar në të dhëna vizuale, të tilla si njohja e njerëzve, objekteve ose pikave referuese (të ngjashme me syzet inteligjente Ray-Ban të Meta-s ), ose duke dhënë udhëzime për drejtim, duke kontrolluar çmimin e diçkaje apo mund të kapin foto pa duar për të kërkuar informacion.
Gjithashtu ju mund të kontrolloni hapin tjetër në një recetë ose të pyesni se ku të blini një artikull. Syzet do të jenë në gjendje t’u përgjigjen pyetjeve të shumta në të njëjtën kohë.
AirGo Vision do të kenë një skelet të këmbyeshëm, që do të thotë se ju mund të vendosni nëse dëshironi syze inteligjente me kamerë të përparme apo pa kamerë. Një dritë e integruar LED do të ndizet për t’ju bërë të ditur se keni një njoftim. Solos thotë se alarmet vizuale mund të jenë të dobishme në një mjedis të zhurmshëm ku njoftimet mund të mungojnë, një mjedis të qetë ku dikush i ka të fikura njoftimet dhe për përdoruesit që mund të kenë vështirësi në dëgjim.
AirGo Vision nuk është përpjekja e parë e Solos në syzet inteligjente të fuqizuara nga AI. Kompania zbuloi syzet inteligjente Solos AirGo3 me ChatGPT në CES 2024. Ndërsa Solos AirGo3 përdor audio për t’ju lejuar të flisni me ChatGPT, syzet AirGo Vision ju lejojnë të kërkoni informacione me hyrje vizuale.
AirGo Vision do të jetë i disponueshëm më vonë këtë vit, me tre stile të skeletëve vetëm me LED të vendosura për të arritur në treg në korrik dhe me një prej $249,99.
