Kawasaki Heavy Industries ka shfaqur një koncept të çuditshëm për një “kalë” robotik të kalërueshëm, me katër këmbë, të quajtur Corleo, që fuqizohet nga një motor hidrogjeni 150cc.
Sipas firmës, kali mund të përshkojë lehtësisht terrene të vështira falë katër gjymtyrëve të tij që lëvizin në mënyrë të pavarur. Përmes një videoje të publikuar nga kompania, e cila është pothuajse tërësisht CGI tregon se çfarë mund të jetë i aftë të bëjë një robot i tillë, duke nisur që nga ngjitja e maleve deri te kërcimi mbi sipërfaqje të ngrira të çara.
Megjithatë, mbetet për t’u parë nëse prototipi Corleo do të vijë me të gjithë aftësitë e reklamuara, veçanërisht me shkallën e shkathtësisë që shihet në video.
Sipas të gjitha pikëpamjeve, projekti është ende në hapat e para të konceptimit, me videon që reklamon aftësi ende jo reale të Corelo. Kjo është trishtuese, duke marrë parasysh se sa argëtuese do të ishte të galoposh mbi një kalë metalik futuristik.
Kawasaki Heavy Industries zbuloi konceptin në Osaka Kansai Expo, i cili filloi javën e kaluar. Një model në shkallë të plotë mund të shihet duke i shtrirë lehtë këmbët e tij në dyshemenë e ekspozitës – por jo duke lëvizur lirshëm si një karakter në lojërat “Horizon”.
Ndërsa Corleo është kryesisht imagjinar në këtë pikë, ne kemi parë tashmë kompani të tjera që përpiqen të kthejnë një robot me katër këmbë të lëvizshme në realitet. Kompania robotike Xiaopeng Motors, për shembull, tregoi një “njëbrirësh” të lëvizshëm për fëmijët vitin e kaluar.
Përveç Corleo, Kawasaki Heavy Industries tregoi gjithashtu një koncept për një sistem futuristik modular të pasagjerëve të trenit, të quajtur ALICE, dhe kompania pretendon se mund të eliminojë pengesat dhe të rrisë efikasitetin e udhëtimit.
