Canon ka prezantuar disa kamera të reja mirrorles për personat të cilët nuk dëshirojnë të shpenzojnë shumë para për të përdorur lentet RF dhe për të regjistruar video 4K 60fps.
EOS i ri R50 ($680 vetëm për trupin e kameras) ka një sensor 24.2MP ASP-C që mund të regjistrojë video 4K 30fps, ndërkohë që një version më high-end EOS R8 ($1,500 vetëm për trupin e kameras) vjen me një sensor 24.2MP që mund të regjistrojë video 4K 60fps ose video 1080 deri në 180fps. Që të dyja këto kamera pritet të vijnë në treg këtë pranverë.
Një ndër përmirësimet kryesore të këtyre kamerave është heqja e limitit 30 minutësh në regjistrimin e vazhdueshëm. R50 mund të regjistrojë pa ndërprerje për deri në 1 orë, ndërkohë që R8 mund të regjistrojë video 4K 30fps deri në dy orë në qoftë se karta e memories ka hapësirë të mjaftueshme.
Meqë këto kamera kanë çmime më të ulëta, ato nuk vijnë me in-body image stabilization, mirëpo mund të përfitojnë nga lentet që kanë të përfshirë OIS. Ato kanë vend gjithashtu vetëm për një kartë memorie si dhe përdorin bateri më të vogla në krahasim me versionet e tjera më të kushtueshme. Megjithatë ju mund të shikoni mjaft mirë videot e regjistruara përmes ekranit OLED në të dyja kamerat.
