Ndonëse profesioni me kërkesën më të lartë gjatë kësaj pandemie, as shërbimi i dërgesave, (delivery) nuk kursehet nga automatizimi i pashmangshëm. Departamenti i Veturave e Motorrave të Kalifornisë ka lëshuar lejen e parë për një automjet pa shofer të quajtur Nuro, i cili do të fillojë të qarkullojë rrugëve të shtetit në fillim të 2021.
Ai quhet R2 dhe vjen nga kompania Nuro, shpejtësia e tij do të jetë e limituar në 56km/h dhe do të operojë vetëm në kushte të mira klimaterike. Ai përdor radarë, imazheri termike dhe kamera 360 për t’u orientuar. Nuk do të ketë as shofer e as pasagjer, por do të ketë disa xhepa me aftësi të ndryshme termike, ku mund të futet porosia nga dërguesi, e më pas të pritet nga marrësi me të futur kodin e duhur.
R2 ka performuar teste në rrugët e Kalifornisë që në prill, e madje ka shpërndarë pica për Domino dhe pazare nga disa supermarkete. Ky sukses i atribuohet themeluesve të Nuro, dy ish inxhinierë të Google dhe financimeve të japonezëve SoftBank.
Ky është qartazi një hap i madh për njerëzimin, zyrtarisht më pranë robotizimit të shërbimeve publike.
