Gjatë dhjetorit të kaluar, na duhej të shkonim në faqet specifike në internet për t’i transformuar kërkesat tona në art të krijuar nga AI, mirëpo kjo gjë do të ndryshojë. Google njoftoi të enjten se përdoruesit e regjistruar në Search Generative Experience(SGE) do të jenë në gjendje të krijojnë imazhe AI direkt nga shiriti standard i kërkimit në Google.
SGE është vizioni i Google për të ardhmen tonë të kërkimit në web. Në vend që të zgjidhni një ndër faqjet e caktuara të renditura në një listë, sistemi do të sintetizojë një përgjigje koherente në bazë të kërkesës së shkruajtur të përdoruesit duke përdorur të njëjtat të dhëna që shfaqen në listën e renditur. Përditësimet e së enjtes janë një zgjerim i natyrshëm i kësaj përvoje, thjesht duke e kthyer tekstin e shkruar në një imazh (duke përdorur text-to-picture AI të kompanisë Imagen).
Përdoruesit duhet të shkruajnë një përshkrim të asaj që kërkojnë dhe, brenda pak çastesh, motori do të krijojë katër alternativa për të zgjedhur. Përdoruesit do të jenë gjithashtu në gjendje të eksportojnë imazhet e tyre të krijuara në Drive ose t’i shkarkojnë ato.
Sigurisht, ka një sërë kufizimesh të integruara në veçoritë e reja. Ju do të duhet të regjistroheni në Google Labs dhe të jeni regjistruar në programin SGE për të përdorur ndonjë nga këto shërbime. Për më tepër, funksionet e reja të gjenerimit të imazheve do të jenë të disponueshme vetëm brenda SHBA-së. Përdoruesit nuk do të mund të krijojnë imazhe fotorealiste të fytyrave njerëzore.
Në javët në vijim pritet që ky shërbim të ofrohet dhe në shumë vende të tjera.
