Një ekip studiuesish nga Kyoto University në Japoni po mendojnë të dërgojnë në orbitë një satelit prej druri.
Idea vjen pas kryesrjes së testeve më të fundit në International Space Station, gjatë së cilave u ekspozuan lloje të ndryshme druri në vakumin e hapësirës. Këto zbulime treguan se druri është mjaftueshëm elasktik dhe në hapësirë.
“Pavarësisht kushteve ekstreme të hapësirës, duke përfshirë këtu ndryshimet e mëdha të temperaturës, ekspozimit ndaj rrezeve të shumëta kozmike dhe grimcave të rrezikshme diellore prej 10 muajsh, testet kanë konfirmuar se drunjtë nuk kanë patur asnjë deformim si thyerja, shtrembërimi, zhveshja apo dëmtimi i sipërfaqjes,” lexohet në një deklaratë të Kyoto University.
Ky eksperiment sshërbeu si një investigim fillestar për partneritetin ndërkombëtar LignoSat të drejtuar nga Kyoto University, i cili dizenjoi një satelit prej druri i cili pritet të lançohet nga agjencia hapësinore JAXA dhe NASA përgjatë vitit të ardhshëm.
“Aftësitë e drurit për të përballuar kushtet në orbitën e ulët të Tokës na mahnitën.” tha Koji Murata, drejtues i këtij projekti në një deklaratë për shtyp në vitin 2021. “Ne dëshirojmë të shikojmë nëse mund të parashikojmë efektet e këtij ambienti të ashpër në materialet organike.”
Nga 3 llojet e drunjve të testuara në hapësirë, ekipi i LingoSat vendosi të përzgjidhte drurin e pemëve Magnolia për shkak të lehtësisë në punim, stabilitetit dimensional dhe fortësisë së përgjithshme.
