Numri i madh i informacionit në rrjetet sociale shpesh herë e bën të vështirë që të dallosh një informacion të vërtetë nga një i rremë. Kjo gjë është vështirësuar akoma dhe më tepër me prezantimin e inteligjencës artificiale. Ky trend ka bërë që të rritet numri i deepfakes: videove apo imazheve të gjeneruara nga AI të cilat duken mjaft reale.
Kjo teknologji mund të përdoret për të krijuar situate argëtuese, megjithatë dhe për të krijuar imazhe që dëmtojnë personazhe të caktuar.
Ekzistojnë disa mënyra për të identifikuar se cilat përmbajtje janë manipuluar nga inteligjenca artificiale. Kryesorja është që ju të jeni të vëmendshëm ndaj detajeve.
Është gjithmonë e rëndësishme që të analizoni detajet në imazhe dhe të kërkoni për mospërputhje kur dyshoni në një material. Imazhet e manipuluara kryesisht nuk kanë sensin realistik të ndriçimit dhe duart janë shpesh herë “me probleme”. Prandaj, nëse një fotografi duket më tepër si një pikturë se si një fotografi, me shumë mundësi është gjeneruar nga AI.
Shikoni këtë fotografi të publikuar nga vetë Donald Trump ku duket i gjunjëzuar dhe një dritë po ndriçon mbi të.
_
Nëse shikoni me më tepër vëmendje, do të zbuloni se teknologjia AI ka gjeneruar disa probleme në duart e tij. Dora e djathtë ka një gisht më pak, ndërkohë që gishtat tregues janë të shtrembëruar.
Gjithashtu sfondi i fotografisë na bën të dyshojmë që fotografia nuk është reale, pasi nuk duket tepër e vërtetë që ish-presidenti të gjunjëzohët në një dhomë plot me njerëz përreth tij.
Më poshtë do të tregojmë dhe disa postime që janë bërë tepër virale në rrjetet sociale, pasi njerëzit kanë menduar se janë të vërteta.
Making pictures of Trump getting arrested while waiting for Trump’s arrest. pic.twitter.com/4D2QQfUpLZ
— Eliot Higgins (@EliotHiggins) March 20, 2023
The boys in Brooklyn could only hope for this level of drip pic.twitter.com/MiqkcLQ8Bd
— Nikita S (@singareddynm) March 25, 2023
