Internationale Funkausstellung Berlin është emri i plotë i eventit më të rëndësishëm të teknologjisë në Europë, të cilin për të kursyer tastierë dhe kohë e shkruajmë thjesht IFA.
Ky panair u zhvillua kësaj here në mënyrën më të trishtë ndër vite teksa korridoret e ndërtesës nuk mundeshin të gëlonin nga mijrat e të apasionuarëve të përvitshëm. E megjithatë panairi ka përfunduar dhe një sërë kompanish të mëdha kanë qenë më prezente dhe kanë bërë anonçimet e veta. Ja prezantimet të cilat sipas nesh gjeneruan më shumë interes:
Qualcom
Kompania shfaqi përpara publikut interesat e veta drejt infrastrukturës 5G teksa foli për një varietet aparatesh në zhvillim e sipër për t’iu përgjigjur teknologjisë së re. Në terma produktesh proçesori për laptop Snapdragon 8cx Gen 2 5G u prezantua më përpara, në panair u lajmërua Snapdragon 732G për mid-range smartphones.
Huawei
Këtë vit, qëllimi i Huawei ishte ndryshe! Përmes IFA Berlin, kompania zgjodhi të komunikonte drejtperdrejtë me tregun Evropian duke prezantuar planet e së ardhmes. Huawei kujtoi gjithashtu rëndësinë e saj ndër vite si dhe benefitet që brandi i ka sjellë kontinentit dhe sa të tjera me vendosmëri kërkon të sjellë, përfshirë këtu teknologjinë 5G dhe risitë në Artificial Intelligence.
Honor
Honor solli një varietet aparatesh në IFA 2020. Laptopët MagicBook të cilët vijnë në tre versione njëri prej të cilëve Pro si dhe dy orë inteligjente nën linjën Magic Watch GS Pro dhe ES.
Harman/JBL
Një sërë aparatesh e aksesorësh u prezantua nga mjeshtrat e audios. Përmirësimet në teknologji përfshijnë karikim USB-C dhe rifreskime në kufje përfshi wireless. Produkti më i afërt do të jetë një speaker smart premium nën emrin Citation 200 i cili vjen në tetor.
Intel
Intel prezantoi proçesorët 11-gen Core për gjeneratën e te të aparateve. Edhe pse është një përmirësim i 10-gen dhe vazhdon të bazohet në arkitekturë 10nm premton performancë grafike shumë më të mirë. Do të suportojë Thunderbolt 4 dhe Wi-Fi 6.
Lenovo
Lenovo pati një sezon interesant me Smart Clock Essential e cila edhe më thjeshtë se Smart Clock i 2019 nuk ka ekran, por sidoqoftë ka Google Assistant. Tab P11 Pro me ekranin OLED synon të kapë tregun e tabletëve premium. Dhe së fundmi Legion Slim 7i një laptop gaming që nuk peshon më shumë se 1.8kg.
LG
Maska elektronike Puricare ishte ylli i shfaqjes, por LG solli edhe një projektor të ri Cinebeam, një lavatriçe dhe tharëse së bashku WashTower dhe InstaView një frigorifer me ekran dhe sistem UVnano për të shkatërruar bakteret.
Realme
Prezenca e Realme në këtë event ishte nga ato pak gjëra që nuk duhen humbur. Përveç smartphonëve Realme 7 dhe 7 Pro, kompania prezantoi gjithashtu një sërë aparatesh AIoT të cilat do të bashkëpunonin nën ekosistemin Realme me në qendër smartphonin e kompanisë.
Philips
Mes shumë alternativave TV dhe audio, ato që na tërhoqën më shumë vëmendje janë kufjet Fidelio L3 me active noise cancellation dhe 35 orë playback muzikë. Sistemin Ambilight i cili shton sinkronizim mes ndriçimit dhe kontentit TV dhe një televizor premium OLED+935 me bokse Bowers & Wilkins.
