Samsung sapo ka prezantuar një teknologji të re të ekraneve të smartphone-ve që do të mundësojë aksesimin e shërbimeve të reja biometrike dhe shëndetësore.
Ekrani Sensor OLED do të jetë në gjendje të skanojë shenjën tuaj të gishtit në çdo hapësirë të ekranit. Për momentin skanimi i shenjës së gishtit kryeht nga një modeul i veçantë i vendosur në një pjesë të vogël të ekranit, por në Sensor OLED Samsung tregoi se do të përfshijë këtë teknologji në të gjithë panelin.
Për sa kohë ky ekran mund të përdoret për të skanuar shenjën tuaj të gishtit në çfarëdo hapësire të ekranit, do të jetë në gjendje dhe të monitorojë rrahjet tuaja të zemrës dhe presionin e gjakut, duke bërë përllogaritje dhe më të sakta se orat smart. Për të matur presionin e gjakut, mjafton që ju të mbani dy gishta në ekran.
“Për të matur në mënyrë të saktë presionin e gjakut ne duhet të bëjëm këto matje në të dyja duart e përdoruesit. Sensor OLED mund të ndiejë praninë e të dy gishtave, duke ofruar kështu informacion më të saktë rreth shëndetit tuaj se orat smart.”
Nuk dihet ende nëse kjo teknologji do të përdoret në një smartphone në të ardhmen, megjithatë ekranet e pranishme në SID Display do të mund të lexojnë presionin tuaj të gjakut.
Përveç Sensor OLED, Samsung shfaqi dhe ekranin Rollable Flex i cili mund të zgjerohet deri në 5 herë më tepër se gjatësia aktuale. Nga ana tjetër u prezantua dhe Flex In & Out, një koncept smartphone-i që paloset vertikalisht brenda dhe jasht, duke eleminuar nevojën për një ekran të jashtëm.
