June 25, 2022

Samsung shfaq aftësitë e sensorit 200MP nëpërmjet një printimi masiv

Samsung shfaq aftësitë e sensorit 200MP nëpërmjet një printimi masiv

Gjatë fundit të vitit të kaluar ne mësuam informacionet e para në lidhje me sensorin e ri 200MP të kameras nga Samsung. Që nga ajo kohë, kompania ka hedhur një hap më tej, duke prezantuar një model të ri të këtij sensori 200MP. Dhe pse kjo teknologji nuk është përdorur ende në një pajisje, Samsung ka vendosur të reklamojë aftësitë e saj, duke printuar një fotografi në madhësi shumë të mëdha.

Siç tregohet dhe në videon e mëposhtme, piktura e varur në një ndërtesë është gjigande, dhe zë një sipërfaqje aftërsisht 616m2 (sa 1.5 fusha basketbolli). Ky imazh është shkrepur nga sensori 200MP i Samsung, dhe projekti u zhvillua nga kompania për të “testuar limitet e sensorit 200MP dhe cilësinë e imazhit të shkrepur nga ky sensor i kameras”.

Printimi në një shkallë kaq të madhe është një problem, pasi sa më i madh të jetë printimi, aq më tepër defekte në fotografi do të duken.

Megjithatë duhet të përmendim se sensori 200MP i Samsung është ende në fazë testimi. Ekipi mbeti i kënaqur nga rezultatet e testit të mësipërm, pasi gjeneruan një fotografi shumë të mirë, me tepër detaje.

Printimi ishte një sfidë më vete, pasi imazhi 616m2 duhej të printohej në 12 copëza të ndryshme që do të qepeshin me njëra-tjetrën më pas për të krijuar imazhin gjigand.

Saturday, 28 May 2022 05:07

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo

 

 

Geek Room © 2019