Porositë për frigoriferin e vogël Xbox Series X fillojnë në 19 tetor për $99.99

Microsoft do të nxjerrë së shpejti një produkt ndryshe nga ato që ka prodhuar deri më tani, një frigorifer në formën e një Xbox Series X. Klientët do të kenë mundësinë të porosisin këtë produkt duke filluar nga data 19 tetor për $99.99 në SHBA, Mbretërinë e Bashkuar dhe Evropë.

Microsoft ka bashkëpunuar me Target në SHBA, Game në Mbretërinë e Bashkuar dhe GameStop, Micromania dhe Toynk në Evropë për të krijuar këtë frigorifer të vogël. Xbox Gear Shop do të shesë këtë frigorifer në Kanada, dhe Microsoft tregon se porositë do të fillojnë shumë shpejt.

Xbox Mini Fridge mund të mbajë deri në 12 kanaçe që vendosen në dy raftet e saj, ku ju mund të mbani dhe një ushqim i vogël. Ai ka një USB në pjesën e parme për të karikuar smartphone-in tuaj. Si fillim ky frigorifer u publikua në E3 gjatë këtij viti, pasi Microsoft premtoi krijimin e një pajisje të tillë për të mposhtur Skittles pas një poll-i në Twitter.

Gjithçka nisi nga memet e shumta që filluan të qarkullonin në internet rreth formës tepër katrore dhe të ngjashme me një frigorifer të Xbox Series X. Madje dhe vetë Microsoft ka bërë shaka me formën e tij duke e quajtur atë “mini frigoriferin më të fuqishëm në botë” me “Xbox Velocity Cooling Architecture.”