October 18, 2021

SpaceX sapo nisi misionin e parë privat me qytetarë drejt hapësirës

SpaceX sapo nisi misionin e parë privat me qytetarë drejt hapësirës

SpaceX ka lançuar 4 qytetarë në drejtim të hapësirës ditën e mërkurë, duke regjistruar kështu misionin e parë drejt orbitës pa asnjë astronaut profesionist në bord.

Raketa Falcon 9 u nis nga Kennedy Space Center ndërkohë që në bord gjendeshin miliarderi Jared Isaacman, themeluesi i Shift4 Payments, fizikantia 29 vjeçare Hayley Arceneaux, data engineer Christopher Sembroski dhe gjeoshkencëtari Sian Proctor.

Në misionin e quajtur Inspiration4, kapsula Crew Dragon nuk do të futet në stacionin hapësinor, por do të shpenzojë rreth 3 ditë në lartësinë 580km mbi sipërfaqjen e Tokës, lartësia më e lartë e arritur që nga misioni i NASA për riparimin e teleskopit Hubble në 2009.

“Kapsula dhe ekuipazhi janë në orbitën nominale” tha inxhinieri i SpaceX. Një kamera live nga brenda kapsulës tregon qartë emocionet e ekuipazhit që përshëndesnin. Ky mision do të shërbejë si një burim mjaft i madh fondesh për St. Jude Children’s Hospital, një qendër kërkimesh vullnetare që ofron përkujdesje falas për fëmijët që vuajnë nga kanceri. Isaacman dhuroi $100 milionë për këtë spital, dhe SpaceX ka si qëllim të sigurojë dhe $100 milionë të tjera.

Kapsula Crew Dragon është dizenjuar për të ofruar një eksperiencë mahnitëse për turistët dhe nuk i ngjason modeleve të tjera të përdorura nga NASA. Disa muaj para misionit, SpaceX instaloi një xham të madh për t’i mundësuar pasagjerëve të Inspiration4 një pamje 360 gradë.

Friday, 17 September 2021 09:41

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Bekim Haveriku 
Xhonald Mamo