Gjatë eventit IAA Mobility 2021 në Mynih, Harman International prezantoi teknologjinë më të mirë në fushën e sistemit të audios në makina.

Gjatë viteve të fundit Harman ka vazhduar bashkëpunimin e saj me kompani tepër të njohura si Audi, BMW, MINI dhe Ford duke përfshirë në to sistemet më të avancuara të audios nga Harman Kardon, Bowers & Wilkins dhe Bang & Olufsen, të cilat kanë demonstruar më së miri aftësitë e kompanisë për të kombinuar ekspertizën teknike me dizajnin futuristik.

Audi e-tron inspiron me performancën e veçantë të audios falë Bang & Olufsen

Audi e-tron GT është pajisur me sistemin Bang & Olufsen Premium 3D si një opsion me zgjidhje inovative të ndërtuara duke patur në mëndje teoritë e njohura psiko-akustike. Symphoria 3D revolucionare përmirëson eksperiencën e drejtimit të makinës me audion realistike 3 dimensionale.

BMW i4 ofron një audio magjepsëse me sistemin e Harman Kardon

BMW i4 e prezantuar në IAA përfshin sistemin e sofistikuar akustik Harman Kardon, duke luajtur bukur notat e ndryshme të të gjitha nuancave. Muzika dhe gjuha e folur duken aq normale si të gjeneroheshin në ambientin e makinës.

Ford dhe Harman po kombinojnë eksperiencën e tyre në Mustang Mach-E

Këto dy kompani kanë krijuar një partneritet prej shumë kohësh, dhe tashmë ka ardhur koha që Ford Mustang Mach-E të pajiset me sistemin e ri të audios B&O me 10 bokse high-performance për të krijuar një audio të pasur dhe të ngrohtë njëkohësisht.

MINI ka vendosur gjithashtu të basshkëpunojë me Harman Kardon në IAA

Makina e re MINI Hatch Facelift me 3 dyer është tashmë e disponueshme në versionin elektrik dhe sistemin e audios premium nga Harman Kardon. Kombinimi i bokseve nga ky sistem audio të bën të ndihesh si të jesh në një koncert.