January 19, 2021

Oksigjeni do të ekstaktohet nga shkëmbinjtë hënorë, duke krijuar edhe materiale ndërtimi

Vlerëso këtë lajm
(0 votes)
Oksigjeni do të ekstaktohet nga shkëmbinjtë hënorë, duke krijuar edhe materiale ndërtimi

Kolonizimi i hënës mund të duket si një skenar filmi fantashkencë, por e ardhmja është drejt atij koncepti dhe avancimet po e afrojnë sa vjen e më tepër. 

Një kompani angleze e quajtur Metalysis ka marrë një kontratë nga Agjensia Hapësinore Europiane për të zhvilluar një teknologji e cila kthen shkëmbinjtë hënorë në oksigjen dhe materiale ndërtimi. Të dyja asete të rëndësishme për të krijuar një bazë në atë planet. 

Proçesi i pretenduar nga Metalysis është një teknologji elektrolitike e aftë për të ndarë oksigjenin nga oksidet metalike, duke lënë mënjanë pluhur metali dhe alumini të pastër. 

Teknika është zhvilluar fillimisht nga Universiteti i Cambridge që në 1997. Dhe është vënë madje në praktikë me kohë në industritë e prodhimit në masë të këtyre metaleve.

Testet janë zhvilluar edhe mbi masën e pluhurit që ndodhet në sipërfaqjen e hënës.

Oksigjeni mblidhet për tu përdorur nga austronautet si karburant ose proçese jetike, materialet e ndërtimit për strukturat e nevojshme.

Planet për të kolonizuar hënën dhe ndërtimin e një baze të qëndrueshme kërkojnë që të minimizohet sa më shumë sasia e mallrave që importohen nga toka, ndaj edhe kjo praktikë do ndihmonte goxha. Dhe Metalysis nuk janë të vetmit që po punojnë për këtë.

Tuesday, 10 November 2020 15:45 Last modified on Tuesday, 10 November 2020 20:32

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Ermir Jonka
Xhonald Mamo