Kishim shumë pritshmëri nga proçesori Intel Core i7-11700K, por pas testeve të para duket se ai nuk do të jetë në gjendje të performojë më mirë se rivali AMD Ryzen 7 5800X.
Rocket Lake-S desktop CPU pritej të prezantohej në eventin e 16 marsit, por Mindfactory listoi proçesorin më të ri të Intel në çmimin €469.
Personat që blenë këto CPU kanë postuar rezultatet e benchmark në forume gjermane si ComputerBase duke na dhënë një ide se çfarë të presim nga ky produkt.
Intel Core i7-11700K shënon 600 pikë në single-core benchmark dhe 5749 pikë në multi-core, kundrejt AMD Ryzen 7 5800X që shënon 622 pikë single-core dhe 6022 pike multi-core. Këto rezultate nuk janë aspak impresive për sa i përket Intel pas humbjes në single-core dhe multi-core ndaj një rivali me çmim më të lirë. Para se të bëjmë gjykimin final, duhet të presim sapo produkti të jetë “zyrtar”.
