Në panairin IFA 2025 në Berlin, ku Geek Room është prezent së bashku me Neptun për të prezantuar inovacionet më të reja nga bota e teknologjisë, Dreame Technology prezantoi një gamë pajisjesh të reja smart për shtëpinë, të krijuara për të thjeshtuar punët e përditshme, nga fshirja e dyshemeve deri tek kositja e barit.
Ylli i ekspozitës ishte Cyber X, një fshesë robotike unike që mund të ngjitë shkallëve vetë. Pajisur me sistemin QuadTrack, ai funksionon si një ashensor i vogël që ngjit robotin midis kateve, duke përballuar hapa deri në 25 cm. Falë inteligjencës artificiale, ai skanon formën dhe këndet e shkallëve në kohë reale. Me bateri me kapacitet të lartë, Cyber X mbulon deri në pesë kate pa pasur nevojë për ndihmë njerëzore.
Një tjetër risi ishte Cyber10 Ultra, një tjetër fshesë robotike e cila është pajisur me një krah robotik fleksibël. Ky krah arrin në qoshe të ngushta, lëviz objekte të vogla dhe përdor mjete të ndryshme sipas nevojës, si përshembull furça të buta për të pastruar. Edhe pse është ende në fazë të hershme zhvillimi, tregon drejtimin e ardhshëm të robotëve për pastrim.
Përveç tyre, Dreame prezantoi edhe Aqua10 Ultra me rulë vetë-pastrues dhe teknologji me ujë, si dhe Matrix10 Ultra, që përshtat automatikisht llojin e fshesës sipas dhomës. Në kategorinë e fshesave pa kabëll, V30 dhe V20 Pro dallohen për pastrimin e flokëve të ngatërruar dhe aksesimin e lehtë të qosheve. Për hapësirat e jashtme, A3 AWD u paraqit si kositëse robotike e aftë të përballojë pjerrësi, cepa dhe pengesa me lehtësi.
Sa i përket disponueshmërisë, seritë Aqua dhe Matrix do të dalin në treg gjatë këtij muaji, ndërsa V-seria në shtator. Cyber10 Ultra dhe kositësja A3 pritet të lançohen në fillim të vitit 2026. Produktet do të shiten përmes faqes zyrtare të Dreame, Amazon dhe dyqaneve të përzgjedhura.
