Marrveshje e mbyllur, zyrtarisht 80% e Boston Dynamics i përket Hyundai e vetëm 20% i mbetet SoftBank. Ky akord e vlerëson kompaninë në $1.1 bilion, goxha rrugëtim nga fillimet e veta në 1991 kur ishte thjesht një program i lindur nga Massatchusetts Institute of Technology.
Gjatë këtyre viteve kompania ka eksperimentuar mes prototipeve të ndryshme të robotëve, më me famë janë Atlas, një bipedalues humanoid, i aftë për të ecur si njeri e për të bërë saltro mbrapsht, dhe sigurisht Spot, “qeni” me katër pedale i testuar në disa situata si kontrolli i deleve apo ndihma në spitale. Ky i fundit doli në shitje këtë verë për $74,500.
Por sidoqoftë raportet e kohëve të fundit tregojnë se kompania nuk po nxirrte fitime prej kohesh, blerja prej një gjigandi si Hyundai duhet të sjellë një frymë të re. Cili do të jetë drejtimi që kompania do të marrë pas kësaj? Kompania koreane thotë se kjo blerje do të ndihmojë në avancimet në shërbime dhe robotët e vetë për logjistikë, por që shpreson se në të ardhmen të ndërtojë më shumë robotë të ngjashëm me njeriun për qëllime ndihmuese në spitale etj. E bashkë me këtë edhe automjetet autonome e fabrikat e automatizuara.
Shpirti krijues i Boston Dynamics ka pasur gjithmonë një vend të veçantë në zemrat e entuziastëve të teknologjisë, me këtë lloj mbështettje shpresojmë të shohim edhe më shumë.
